घुग्घुस शहरात राम नवमी उत्साहात, भक्तीमय वातावरणात प्रभु श्री.रामाचा जयजयकार
रामनवमीला घुग्घुस येथे भव्य शोभायात्रा (रॅली)
चैत्र नवरात्रीच्या समारोपावेळी, सर्व राजकीय पक्ष आणि धार्मिक संघटनांकडून गुरुवार मर्यादा पुरुषोत्तम प्रभू श्री रामचंद्रजींच्या “जयंती” निमित्त भव्य मिरवणूक काढून रामनवमी साजरी करण्यात आली. या रॅलीत लोकांनी मोठी गर्दी केली आणि रामनवमीच्या मुहूर्तावर संपूर्ण घुग्घुस नगर भगवामय झाला. प्रत्येक चौक आणि रस्ते तोरण आणि रोषणाईने सजवले होते. रॅलीत लहान मुले आणि महिलांचाही मोठा सहभाग होता.
नकोडा येथील राममंदिरात कल्याण महोत्सव व श्री राम-सीता मातेच्या महाआरतीचे आयोजन, भाविकांसाठी भोजन आदी व्यवस्था करण्यात आली होती. सायंकाळी रॅली काढण्यात आली, दरवर्षी नकोडा येथील राम मंदिरापासून भगवान श्रीरामाची भव्य मिरवणूक काढण्यात येते.
घुग्घुस येथील गांधी चौकातील विठ्ठल मंदिरात विशेष प्रार्थना करून रॅलीचे उद्घाटन करण्यात आले. रॅलीदरम्यान सामाजिक व धार्मिक संस्थांतर्फे अल्पोपाहार,शरबत आदींची व्यवस्था करण्यात आली होती. रॅलीत सहभागी झालेले लोक भगव्या टोप्या आणि गमछे परिधान केलेले दिसत होते.
शहरातील रस्त्यांवरून ही मिरवणूक शहरातील प्रमुख चौकांवर आली, या रॅलीत पोलिस दलासह पोलिस अधिकारीही उपस्थित होते. शांततेत पार पडलेल्या रॅलीत सहभागी झालेल्या नागरिकांचे राजकीय पक्ष आणि धार्मिक संघटनांनी आभार मानले.
