डॉ. बाबासाहेब आंबेडकर यांच्या पूर्णाकृती पुतळ्याचे 26 जानेवारी रोजी अनावरण
घुग्घुस : नव-बौद्ध स्मारक समिती आणि बहुउद्देशीय संस्थेने स्थापन केलेल्या भारतीय संविधानाचे शिल्पकार महामानव विश्वरत्न परमपूज्य डॉ. बाबासाहेब आंबेडकर यांच्या ९ फुुट उंच लांबीच्या पुतळ्याचे अनावरण 26 जानेवारी 2023 रोजी करण्यात येत आहे.
या कार्यक्रमासाठी भव्य संविधान रॅलीचे आयोजन करण्यात आले आहे. या रॅलीमध्ये सर्व धर्माचे लोक आपली संस्कृती दाखवून रॅलीत सहभागी होणार आहेत. ही ऐतिहासिक रॅली वियानी विद्या मंदिर शाळेपासून सुरू होऊन गुरुद्वारासमोरील शिवाजी चौकात पोहोचणार आहे. नंतर ही रॅली पोलीस ठाणे, नगर परिषद घुग्घुस, समता रीडिंग हॉल घुग्घुस, गांधी चौक, जामा मशीद मार्गे बँक ऑफ इंडिया समोरून नवबौद्ध स्मारक समिती संकुल, तहसील कार्यालय येथे संपेल.
यानंतर दुपारी ३ वाजता सर्व मान्यवर, भारतीय राज्यघटनेचे शिल्पकार, महामानव विश्वरत्न परमपूज्य डॉ. बाबासाहेब आंबेडकर यांच्या पूर्ण लांबीच्या पुतळ्याचा अनावरण सोहळा मोठ्या थाटामाटात पार पडणार आहे. त्यानंतर सायंकाळी ६ वाजता अन्नदान व ७ वाजता कव्वालीचा मनोरंजक व माहितीपूर्ण कार्यक्रम होणार आहे.
27 जानेवारी 2023 रोजी ठीक 7 वाजता 12 ते 5 विविध मान्यवरांची व्याख्याने आयोजित करण्यात आली आहेत. विविध सांस्कृतिक कार्यक्रमांचे आयोजन करण्यात आले आहे. तरी चंद्रपूर जिल्ह्यातील तमाम जनतेने या ऐतिहासिक सोहळ्यात सहभागी व्हावे ही विनंती नवबौद्ध स्मारक समिती व बहुउद्देशीय संस्थेच्या वतीने करण्यात येत आहे.
भीमेंद्र कांबळे यांनी या कार्यक्रमाची माहिती दिली आहे. यावेळी सागर डांगे, बाबाजी आमटे, अनिरुद्ध आवळे, मनोज पाटील, समीउद्दीन शेख, गंगाधर गायकवाड, धीरज ढोके, सुमित पाटील, प्रज्योत गोरघाटे, चंद्रगुप्त घागरगुंडे उपस्थित होते.
