कोरोना जनजागृती काव्यधारा – ११
कवी – सुनिल शामराव पोटे, दिघोरी
कविता : या चला हो कोरोनाला मात देऊ
मानवाची जात चिवट लढणारी
कठीण प्रसंगी न मागे हटणारी
विश्वास ठेवा पक्का मनात मित्रहो
परतून लावू कोविडची महामारी
संयमाने वागण्याची सवय लावू
या चला हो कोरोनाला मात देऊ ।
तोंडावर मास्क नेहमी लावायचा
गर्दीचं ठिकाण सदाच टाळायचा
साबनाने हात वारंवार धुवायचा
नियम काटेकोर प्रत्येकाने पाळायचा
सकस अन्न दररोज न चुकता खाऊ
या चला हो कोरोनाला मात देऊ ।
माझे कुटुंब माझी जबाबदारी
शासनाचा उपक्रम आहे भारी
आरोग्य पथक फिरेल घरोघरी
तपासणी करु माहिती देऊ खरी
कठीण काळात शासनाच्या मदतीस धावू
या चला हो कोरोनाला मात देऊ ।
दूर सारु शंका बिनकामी भिती
देशसेवेची संधी आपल्या हाती
शासन झटतोय येथे लोककल्याणासाठी
पेटवा मनातल्या विझलेल्या वाती
अंधाराला सारणारी या प्रभात होऊ
या चला हो कोरोनाला मात देऊ ।
कवी : सुनिल शामराव पोटे
मु.पो. दिघोरी, ता. पोंभुर्णा
संपर्क – ९४०५५०३८३८३
(महाराष्ट्र शासनाच्या ‘माझे कुटुंब माझी जबाबदारी’ या मोहीमेला सहाय्य म्हणून फिनिक्स साहित्य मंच द्वारा सदर विषयावर ऑनलाईन कविसंमेलन पार पडले. यात सहभागी कविंच्या कोव्हीड-१९ बाबत जनजागृतीपर कविता आम्ही आपणास देत आहोत.)
•••••
