आंबेडकर महाविद्यालया कडे जाणारा पुलिया रहदारी करीता सुरु करा – आ. किशोर जोरगेवार
🔴चंद्रपूर 🟣🟡किरण घाटे🟢
वरोरा नाका चौकाकडून आंबेडकर कॉलेजकडे जाणा-या पुलियाचे बांधकाम पूर्ण झाले असले तरी केवळ पथदिवे लावण्यात न आल्याने हा मार्ग रहदारी करिता बंद ठेवण्यात आला आहे. त्यामूळे बांधकाम विभागाकडे असलेले पथदिव्यांचे 22 लक्ष रुपये तात्काळ महानगर पालिकेकडे वळते करण्याचे निर्देश आमदार किशोर जोरगेवार यांनी दिल्यानंतर हे पैसे मनपाकडे वळते करण्यात आले आहे. आता जलदगतीने पथदिव्यांचे काम पूर्ण करुन 15 दिवसात हा मार्ग रहदारी करिता मोकळा करण्याच्या सुचना आमदार किशोर जोरगेवार यांनी आज दिल्या आहे.
शहरातील प्रगतीपथावर असलेल्या कामांचा आढावा घेण्यासाठी आमदार किशोर जोरगेवार यांनी शासकीय विश्रामगृहात बांधकाम विभागाच्या अधिका-यांसह बैठक घेतली असून अनेक महत्वाच्या सुचना केल्या आहे. या बैठकीला बांधकाम विभागाच्या अधिक्षक अभियंता सुषमा साखरवाडे, कार्यकारी अभियंता संतोष जाधव, उपकार्यकारी अभियंता संजय मेंढे, शाखा अभियंता श्रिकांत भट्टड यांच्यासह संबधित अधिका-यांची उपस्थिती होती.
वाहतुक कोंडी दूर करण्यासाठी वरोरा नाका पुलियावरुन आंबेडकर कॉलेजकडे जाण्याकरीता दूसरा पुलिया तयार करण्यात आला आहे. मात्र या पुलियाचे काम कासवगतीने सुरु असल्याने आमदार किशोर जोरगेवार यांनी बांधकाम विभागाच्या अधिका-यांची बैठक घेत सदर कामाच्या वस्तूस्थिती बाबत माहिती जाणून घेतली. यावेळी पथदिवे लावण्यात आली नसल्याने हा मार्ग बंद असल्याचे सांगण्यात आले. त्यानंतर आमदार किशोर जोरगेवार यांनी मनपा आयुक्त राजेश मोहिते यांच्याशी दूरध्वनीवरुन संपर्क साधत या मार्गावर पथदिवे लावण्याच्या सुचना केल्यात. यासाठी लागणारा निधी बांधकाम विभागाने तात्काळ मनपाकडे वळविण्याचे निर्देशही सदर बैठकीत आमदार किशोर जोरगेवार यांनी बांधकाम विभागाला दिलेत. त्यानंतर बांधकाम विभागाने पथदिव्यांच्या कामासाठी 22 लक्ष रुपये निधी महानगर पालिकेकडे वळता केला आहे. 15 दिवसात पथदिव्यांचे काम पूर्ण करुन हा मार्ग रहदारी करिता मोकळा करावा अशा सुचनाही आ. जोरगेवार यांनी यावेळी दिल्या आहे. सदरहु मार्गावर वळण अधिक असल्याने अपघाताची शक्यता आहे. त्यामूळे पथदिवे लावत असतांना ते योग्य दिशेने लावण्यात यावे, मार्गावर दिशा दर्शक फलक लावण्यात यावे यासह अनेक महत्वाच्या सुचनाही यावेळी आमदार किशोर जोरगेवार यांनी केल्या आहे.
